Pindahan atau menempati rumah baru tentu akan bertemu dengan lingkungan baru sehingga alangkah baiknya diadakan semacam acara perkenalan agar para warga sekitar tahu keberadaan anda di lingkungan mereka. Bagi masyarakat Jawa, acara semacam ini biasanya dirangkai dalam acara selametan dengan berdoa bersama agar kehidupan bermasyarakat senantiasa tentram, rukun, dan sejahtera.
 |
| ilustrasi via google |
Pidato Acara Pindahan Rumah Baru dalam Bahasa Jawa
Assalamu'alaikum Wr. Wb.
Nuwun,
Para pepundhen, para sesepuh, para pinisepuh, saha para pengemban pangembating nagari ingkang kinurmatan. Dalah para rawuh kakung miwah putri ingkang pantes sinudarsana.
Kula badhe matur, minangka wakilipun kulawarga Bapak Edi Kasedi ingkang nembe boyong nglenggahi griya ngriki.
Sepisan bapak Edi Kasedi ngaturaken puja-puji syukur konjuk ing ngarsanipun Gusti Allah SWT ingkang Akarya Jagad, awit sampun karoban ing sih nugrahanipun, kepareng nglenggahi griya ing madyaning Perumahan Griya Permai, Jalan Sidoluhur Kidul ngriki.
Kaping kalihipun, kulawarga Bapak Edi Kasedi ngaturaken pambagya wilujeng rawuh panjenengan sedaya ing griya punika. Mboten kesupen kulawarga ngaturaken agunging panuwun dhumateng Bapak-Bapak, saha Ibu-Ibu ingkang sampun kersa nglonggaraken wekdal rawuh minangkani panyuwunipun kulawarga Bapak Edi Kasedi ingkang ing wekdal punika gadhah keperluwan ngraketaken kekadangan saha pitepangan kaliyan brayan agung ing perumahan punika.
Awit ngrumaosi bilih dados warga enggal punika, kulawarga tansah nyuwun pangapunten dhateng Bapak saha Ibu mbokbilih taksih kathah ingkang nyebal saking tata cara adat pasrawungan ing alam bebrayan ngriki.
Sadaya punika mboten anami adigang-adigung-adiguna, namung kabekta saking taksih kiranging pangertosan ingkang sesambetan kaliyan tata cara ing ngriki. Awit saking sedaya punika, mawantu-wantu panyuwunipun kulawarga Bapak Edi Kasedi, mbokbilih wonten rindak-tanduk ingkang beneh kaliyan pakulinan sesrawungan bebrayan ing ngriki, mugi Bapak Ibu kersaa paring panyaruwe.
Kulawarga Bapak Edi Kasedi inggih nyuwun tambahing puji pandonga, mugi Gusti tansah paring berkah pangestu wilujeng, saha angluberaken sih nugraha, saengga saged krasan, lestantun widada, amaringi rejeki, nir ing sambekala manggen ing griya ngriki.
Kula kinten kirang wicaksana menawi kathah-kathah atur kula wonten ing ngarsa panjenengan sami, pramila cekap semanten atur kula. Mbokbilih wonten klentu saha kirang trapsilaning basa, kula namung nyuwun lumunturing sih samodra pangaksami.
Nuwun.
Assalamu'alaikum Wr. Wb.
Demikianlah contoh teks pidato sambutan dalam acara pindahan rumah atau menempati rumah baru dalam bahasa Jawa. Semoga bermanfaat.
Labels:
Tips & Cara
Thanks for reading Contoh Pidato Menempati Rumah Baru dalam Bahasa Jawa. Please share...!
